ဂ်ပန္မွာ တ႐ုတ္အဆုတ္ေရာင္ေရာဂါဗိုင္းရပ္စ္သစ္ ကူးစက္ခံရမႈ ပထမဆုံးအႀကိမ္ ေတြ႕ရွိရ

ဂ်ပန္ႏိုင္ငံမွာ တ႐ုတ္အဆုတ္ေရာင္ေရာဂါ ဗိုင္းရပ္စ္အသစ္ ကူးစက္ခံရမႈ ပထမဆုံးအႀကိမ္ စစ္ေဆးေတြ႕ရွိရေၾကာင္း အတည္ျပဳထားပါတယ္။

တိုက်ိဳနဲ႔ကပ္လ်က္ျဖစ္တဲ့ ကန္နာဂါဝါစီရင္စုမွာ အသက္ ၃၀ ေက်ာ္အ႐ြယ္ အမ်ိဳးသားတစ္ဦးထံမွာ အဆိုပါ ဗိုင္းရပ္စ္အသစ္ ကူးစက္ခံထားရေၾကာင္း စစ္ေဆးအတည္ျပဳႏိုင္ခဲ့တယ္လို႔ ဂ်ပန္က်န္းမာေရးဝန္ႀကီးဌာနက ယေန႔ (ဇန္နဝါရီ ၁၆ ရက္) ထုတ္ျပန္ပါတယ္။ ထိုအမ်ိဳးသားဟာ SARS ဗိုင္းရပ္စ္အုပ္စုဝင္ ဗိုင္းရပ္စ္အသစ္ေၾကာင့္ အဆုတ္ေရာင္ေရာဂါ ျဖစ္ပြားေနတဲ့ တ႐ုတ္အလယ္ပိုင္း ဝူဟန္ၿမိဳ႕ကို သြားေရာက္ခဲ့သူလည္း ျဖစ္ပါတယ္။
ယခုေတြ႕ရွိရမႈဟာ တ႐ုတ္ႏိုင္ငံျပင္ပမွာ ဒုတိေျမာက္ အဆုတ္ေရာင္ေရာဂါ ဗိုင္းရပ္စ္အသစ္ ကူးစက္ခံရမႈျဖစ္ပါတယ္။ ယခုလအေစာပိုင္းက ထိုင္းႏိုင္ငံကို ေရာက္ရွိလာတဲ့ တ႐ုတ္အမ်ိဳးသမီးတစ္ဦးထံမွာ အဆိုပါ ဗိုင္းရပ္စ္အသစ္ ကူးစက္ခံထားရေၾကာင္း စစ္ေဆးေတြ႕ရွိရၿပီး ၎ကို သီးသန႔္ခြဲထားခဲ့ေၾကာင္း သိရပါတယ္။

ဂ်ပန္မွာေတြ႕ရတဲ့ လူနာအမ်ိဳးသားဟာ ယခုလအတြင္း ဝူဟန္ၿမိဳ႕မွ ျပန္လာခဲ့စဥ္ ကိုယ္ပူေနခဲ့ၿပီး ေဆး႐ုံတက္ခဲ့ရပါတယ္။ ထို႔ေနာက္ ေရာဂါလကၡဏာ သက္သာလာတာေၾကာင့္ ယမန္ေန႔ (ဇန္နဝါရီ ၁၅ ရက္) က ေဆး႐ုံမွဆင္းခဲ့ေၾကာင္း ဂ်ပန္က်န္းမာေရးဝန္ႀကီးဌာနက ေျပာပါတယ္။
တ႐ုတ္အလယ္ပိုင္း ဝူဟန္ၿမိဳ႕မွာ ကူးစက္ပ်ံ႕ႏွံ႔မႈ စတင္ေတြ႕ရွိရတဲ့ ဗိုင္းရပ္စ္အသစ္ေၾကာင့္ လက္ရွိအခ်ိန္အထိ လူတစ္ဦး ေသဆုံးခဲ့ၿပီးျဖစ္ပါတယ္။ အေမရိကန္ ေရာဂါထိန္းခ်ဳပ္ေရးနဲ႔ ကာကြယ္ေရးဌာနက တ႐ုတ္မွာေရာက္ေနတဲ့ ႏိုင္ငံသားေတြအေနနဲ႔ အဆုတ္ေရာင္ေရာဂါ ျဖစ္ပြားေနတဲ့ ဝူဟန္ၿမိဳ႕သို႔သြားေရာက္ပါက တိရိစာၦန္မ်ား၊ တိရိစာၦန္ေရာင္းဝယ္တဲ့ေဈးမ်ား သို႔မဟုတ္ တိရိစာၦန္ထုတ္ကုန္မ်ားကို ထိေတြ႕ျခင္းမျပဳၾကရန္ အပါအဝင္ အျခား ႀကိဳတင္ကာကြယ္မႈ အႀကံျပဳခ်က္ေတြ ထုတ္ျပန္ထားပါတယ္။

တ႐ုတ္ျပင္ပမွာ အဆုတ္ေရာင္ေရာဂါဗိုင္းရပ္စ္အသစ္ ကူးစက္ခံရသူ ပထမဆုံးေတြ႕ရွိခဲ့ရတဲ့ ထိုင္းႏိုင္ငံမွာလည္း တ႐ုတ္ႏွစ္သစ္ကူး အားလပ္ရက္မတိုင္မီ ေလဆိပ္ဝင္ေပါက္ေတြမွာ ခရီးသည္ေတြကို က်န္းမာေရးေစာင့္ၾကည့္စစ္ေဆးမႈေတြ လုပ္ေဆာင္ေနပါတယ္။ လာမယ့္ရက္ပိုင္းအတြင္း တ႐ုတ္ႏွစ္သစ္ကူးကာလမွာ ထိုင္းႏိုင္ငံကို တ႐ုတ္ခရီးသြား ၈၀၀,၀၀၀ လာေရာက္လည္ပတ္မယ္လို႔ ေမွ်ာ္လင့္ရပါတယ္။
တ႐ုတ္အလယ္ပိုင္း ဝူဟန္ၿမိဳ႕မွာ ကူးစက္မႈျဖစ္ပြားေနတဲ့ အဆုတ္ေရာင္ေရာဂါဗိုင္းရပ္စ္အသစ္ဟာ လူတစ္ဦးမွ တစ္ဦးသို႔ ကူးစက္ႏိုင္ဖြယ္ရွိေၾကာင္း ကမာၻ႔က်န္းမာေရးအဖြဲ႕အစည္း (World Health Organization – WHO) က ဇန္နဝါရီ ၁၄ ရက္ေန႔မွာ သတိေပးခဲ့ပါတယ္။ လက္ရွိအခ်ိန္အထိ အမ်ိဳးအမည္ မသိႏိုင္ေသးတဲ့ SARS ေရာဂါဗိုင္းရပ္စ္အုပ္စုဝင္ အဆုတ္ေရာင္ေရာဂါဗိုင္းရပ္စ္အသစ္ဟာ မိသားစုဝင္မ်ားၾကား ကူးစက္ပ်ံ႕ႏွံ႔ႏိုင္ေၾကာင္း ေဒသဆိုင္ရာ အာဏာပိုင္ေတြကလည္း ယမန္ေန႔မွာ ေျပာခဲ့ပါတယ္။

ဝူဟန္ၿမိဳ႕မွာ ၿပီးခဲ့တဲ့ ဒီဇင္ဘာလကုန္ပိုင္းမွစၿပီး လက္ရွိအခ်ိန္အထိ ဗိုင္းရပ္စ္အသစ္ ကူးစက္ခံရၿပီး အဆုတ္ေရာင္ေရာဂါ ပုံစံတူ လကၡဏာမ်ား ျဖစ္ပြားေနတဲ့ လူနာ ၄၁ ဦး ေတြ႕ရွိထားပါတယ္။ ဗိုင္းရပ္စ္အသစ္ ကူးစက္ခံရၿပီး အသက္ရႉလမ္းေၾကာင္းဆိုင္ရာ က်န္းမာေရးျပႆနာျဖစ္ေနသူ ဝူဟန္ၿမိဳ႕မွ အသက္ ၆၁ ႏွစ္အ႐ြယ္ အမ်ိဳးသားတစ္ဦး ဇန္နဝါရီ ၉ ရက္ေန႔က ေသဆုံးသြားခဲ့ပါတယ္။
ဝူဟန္မွာ ကူးစက္ပ်ံ႕ႏွံ႔ေနတဲ့ အဆိုပါ ဗိုင္းရပ္စ္အသစ္ဟာ ကမာၻတစ္ဝွမ္း စိုးရိမ္ပူပန္ခဲ့ၾကရဖူးတဲ့ SARS ေရာဂါျဖစ္ေစခဲ့တဲ့ ဗိုင္းရပ္စ္အုပ္စုမွ အသစ္ေပၚေပါက္လာတဲ့ ဗိုင္းရပ္စ္အသစ္တစ္မ်ိဳး ျဖစ္ႏိုင္တယ္လို႔ WHO က ေျပာထားခဲ့ပါတယ္။ ၂၀၀၂-၀၃ ခုႏွစ္ကာလက တ႐ုတ္မွာ စတင္ေတြ႕ရွိခဲ့တဲ့ SARS ဗိုင္းရပ္စ္ဟာ ကမာၻတစ္ဝွမ္း ၂၆ ႏိုင္ငံရွိ လူဦးေရ ၈,၀၀၀ ေက်ာ္ကို ကူးစက္ပ်ံ႕ႏွံ႔ခဲ့ၿပီး တ႐ုတ္ျပည္မႀကီးမွာ ၃၄၉ ဦးနဲ႔ ေဟာင္ေကာင္မွာ ၂၉၉ ဦး ေသဆုံးခဲ့ေၾကာင္း BBC သတင္းက ေဖာ္ျပပါတယ္။

ဓူဝံ

Unicode


ဂျပန်မှာ တရုတ်အဆုတ်ရောင်ရောဂါဗိုင်းရပ်စ်သစ် ကူးစက်ခံရမှု ပထမဆုံးအကြိမ် တွေ့ရှိရ

ဂျပန်နိုင်ငံမှာ တရုတ်အဆုတ်ရောင်ရောဂါ ဗိုင်းရပ်စ်အသစ် ကူးစက်ခံရမှု ပထမဆုံးအကြိမ် စစ်ဆေးတွေ့ရှိရကြောင်း အတည်ပြုထားပါတယ်။


တိုကျိုနဲ့ကပ်လျက်ဖြစ်တဲ့ ကန်နာဂါဝါစီရင်စုမှာ အသက် ၃၀ ကျော်အရွယ် အမျိုးသားတစ်ဦးထံမှာ အဆိုပါ ဗိုင်းရပ်စ်အသစ် ကူးစက်ခံထားရကြောင်း စစ်ဆေးအတည်ပြုနိုင်ခဲ့တယ်လို့ ဂျပန်ကျန်းမာရေးဝန်ကြီးဌာနက ယနေ့ (ဇန်နဝါရီ ၁၆ ရက်) ထုတ်ပြန်ပါတယ်။ ထိုအမျိုးသားဟာ SARS ဗိုင်းရပ်စ်အုပ်စုဝင် ဗိုင်းရပ်စ်အသစ်ကြောင့် အဆုတ်ရောင်ရောဂါ ဖြစ်ပွားနေတဲ့ တရုတ်အလယ်ပိုင်း ဝူဟန်မြို့ကို သွားရောက်ခဲ့သူလည်း ဖြစ်ပါတယ်။
ယခုတွေ့ရှိရမှုဟာ တရုတ်နိုင်ငံပြင်ပမှာ ဒုတိမြောက် အဆုတ်ရောင်ရောဂါ ဗိုင်းရပ်စ်အသစ် ကူးစက်ခံရမှုဖြစ်ပါတယ်။ ယခုလအစောပိုင်းက ထိုင်းနိုင်ငံကို ရောက်ရှိလာတဲ့ တရုတ်အမျိုးသမီးတစ်ဦးထံမှာ အဆိုပါ ဗိုင်းရပ်စ်အသစ် ကူးစက်ခံထားရကြောင်း စစ်ဆေးတွေ့ရှိရပြီး ၎င်းကို သီးသန့်ခွဲထားခဲ့ကြောင်း သိရပါတယ်။


ဂျပန်မှာတွေ့ရတဲ့ လူနာအမျိုးသားဟာ ယခုလအတွင်း ဝူဟန်မြို့မှ ပြန်လာခဲ့စဉ် ကိုယ်ပူနေခဲ့ပြီး ဆေးရုံတက်ခဲ့ရပါတယ်။ ထို့နောက် ရောဂါလက္ခဏာ သက်သာလာတာကြောင့် ယမန်နေ့ (ဇန်နဝါရီ ၁၅ ရက်) က ဆေးရုံမှဆင်းခဲ့ကြောင်း ဂျပန်ကျန်းမာရေးဝန်ကြီးဌာနက ပြောပါတယ်။
တရုတ်အလယ်ပိုင်း ဝူဟန်မြို့မှာ ကူးစက်ပျံ့နှံ့မှု စတင်တွေ့ရှိရတဲ့ ဗိုင်းရပ်စ်အသစ်ကြောင့် လက်ရှိအချိန်အထိ လူတစ်ဦး သေဆုံးခဲ့ပြီးဖြစ်ပါတယ်။ အမေရိကန် ရောဂါထိန်းချုပ်ရေးနဲ့ ကာကွယ်ရေးဌာနက တရုတ်မှာရောက်နေတဲ့ နိုင်ငံသားတွေအနေနဲ့ အဆုတ်ရောင်ရောဂါ ဖြစ်ပွားနေတဲ့ ဝူဟန်မြို့သို့သွားရောက်ပါက တိရိစ္ဆာန်များ၊ တိရိစ္ဆာန်ရောင်းဝယ်တဲ့ဈေးများ သို့မဟုတ် တိရိစ္ဆာန်ထုတ်ကုန်များကို ထိတွေ့ခြင်းမပြုကြရန် အပါအဝင် အခြား ကြိုတင်ကာကွယ်မှု အကြံပြုချက်တွေ ထုတ်ပြန်ထားပါတယ်။

တရုတ်ပြင်ပမှာ အဆုတ်ရောင်ရောဂါဗိုင်းရပ်စ်အသစ် ကူးစက်ခံရသူ ပထမဆုံးတွေ့ရှိခဲ့ရတဲ့ ထိုင်းနိုင်ငံမှာလည်း တရုတ်နှစ်သစ်ကူး အားလပ်ရက်မတိုင်မီ လေဆိပ်ဝင်ပေါက်တွေမှာ ခရီးသည်တွေကို ကျန်းမာရေးစောင့်ကြည့်စစ်ဆေးမှုတွေ လုပ်ဆောင်နေပါတယ်။ လာမယ့်ရက်ပိုင်းအတွင်း တရုတ်နှစ်သစ်ကူးကာလမှာ ထိုင်းနိုင်ငံကို တရုတ်ခရီးသွား ၈၀၀,၀၀၀ လာရောက်လည်ပတ်မယ်လို့ မျှော်လင့်ရပါတယ်။
တရုတ်အလယ်ပိုင်း ဝူဟန်မြို့မှာ ကူးစက်မှုဖြစ်ပွားနေတဲ့ အဆုတ်ရောင်ရောဂါဗိုင်းရပ်စ်အသစ်ဟာ လူတစ်ဦးမှ တစ်ဦးသို့ ကူးစက်နိုင်ဖွယ်ရှိကြောင်း ကမ္ဘာ့ကျန်းမာရေးအဖွဲ့အစည်း (World Health Organization – WHO) က ဇန်နဝါရီ ၁၄ ရက်နေ့မှာ သတိပေးခဲ့ပါတယ်။ လက်ရှိအချိန်အထိ အမျိုးအမည် မသိနိုင်သေးတဲ့ SARS ရောဂါဗိုင်းရပ်စ်အုပ်စုဝင် အဆုတ်ရောင်ရောဂါဗိုင်းရပ်စ်အသစ်ဟာ မိသားစုဝင်များကြား ကူးစက်ပျံ့နှံ့နိုင်ကြောင်း ဒေသဆိုင်ရာ အာဏာပိုင်တွေကလည်း ယမန်နေ့မှာ ပြောခဲ့ပါတယ်။

ဝူဟန်မြို့မှာ ပြီးခဲ့တဲ့ ဒီဇင်ဘာလကုန်ပိုင်းမှစပြီး လက်ရှိအချိန်အထိ ဗိုင်းရပ်စ်အသစ် ကူးစက်ခံရပြီး အဆုတ်ရောင်ရောဂါ ပုံစံတူ လက္ခဏာများ ဖြစ်ပွားနေတဲ့ လူနာ ၄၁ ဦး တွေ့ရှိထားပါတယ်။ ဗိုင်းရပ်စ်အသစ် ကူးစက်ခံရပြီး အသက်ရှူလမ်းကြောင်းဆိုင်ရာ ကျန်းမာရေးပြဿနာဖြစ်နေသူ ဝူဟန်မြို့မှ အသက် ၆၁ နှစ်အရွယ် အမျိုးသားတစ်ဦး ဇန်နဝါရီ ၉ ရက်နေ့က သေဆုံးသွားခဲ့ပါတယ်။
ဝူဟန်မှာ ကူးစက်ပျံ့နှံ့နေတဲ့ အဆိုပါ ဗိုင်းရပ်စ်အသစ်ဟာ ကမ္ဘာတစ်ဝှမ်း စိုးရိမ်ပူပန်ခဲ့ကြရဖူးတဲ့ SARS ရောဂါဖြစ်စေခဲ့တဲ့ ဗိုင်းရပ်စ်အုပ်စုမှ အသစ်ပေါ်ပေါက်လာတဲ့ ဗိုင်းရပ်စ်အသစ်တစ်မျိုး ဖြစ်နိုင်တယ်လို့ WHO က ပြောထားခဲ့ပါတယ်။ ၂၀၀၂-၀၃ ခုနှစ်ကာလက တရုတ်မှာ စတင်တွေ့ရှိခဲ့တဲ့ SARS ဗိုင်းရပ်စ်ဟာ ကမ္ဘာတစ်ဝှမ်း ၂၆ နိုင်ငံရှိ လူဦးရေ ၈,၀၀၀ ကျော်ကို ကူးစက်ပျံ့နှံ့ခဲ့ပြီး တရုတ်ပြည်မကြီးမှာ ၃၄၉ ဦးနဲ့ ဟောင်ကောင်မှာ ၂၉၉ ဦး သေဆုံးခဲ့ကြောင်း BBC သတင်းက ဖော်ပြပါတယ်။

ဓူဝံ










O